Cilat procese ia vlen të automatizohen të parat?

Ato që përsëriten çdo ditë, kanë rregulla të qarta dhe sot bëhen me kopjim të dhënash nga një program në tjetrin: futja e porosive, fiskalizimi i faturave, raportet ditore, sinkronizimi i stokut, shpërndarja e kontakteve të reja. Workshop-i fillestar i rendit sipas orëve që kursejnë.

A duhet të ndryshoj programet që përdor sot?

Jo. Automatizimi lidh sistemet ekzistuese përmes API-ve, eksporteve ose webhook-eve. Zëvendësimin e një programi e propozojmë vetëm kur ai nuk ofron asnjë mënyrë integrimi.

Sa kushton dhe sa zgjat?

Çmimi caktohet për çdo klient, sipas proceseve dhe integrimeve. Një automatizim i vetëm zakonisht ndërtohet brenda pak javësh; një pako me 3–5 procese planifikohet me faza. Oferta është fikse dhe jepet pas workshop-it, bashkë me afatin.

Çfarë ndodh nëse automatizimi ndalon?

Merrni alarm menjëherë (email, WhatsApp ose Slack) dhe logu tregon saktësisht ku ndaloi. Në paketën e proceseve monitorimi është 24/7 dhe ndërhyjmë ne.

A mund të integroheni me fiskalizimin dhe pagesat?

Po — me ofrues fiskalizimi si Daisy, me pagesa online dhe POS, dhe me programet e kontabilitetit që kanë API. Është një nga integrimet që kërkohet më shpesh.

A punoni me biznese jashtë Durrësit?

Po. Automatizimi i biznesit bëhet plotësisht online — workshop-i me video-thirrje, ndërtimi dhe monitorimi nga distanca — për kompani kudo në Shqipëri, Kosovë apo jashtë.

Kthehu te Shërbimet

Automatizim Biznesi

Heqim hapat manualë që i marrin kohë ekipit tuaj — të dhëna, fatura, raporte, njoftime — dhe i zëvendësojmë me integrime që ecin vetë dhe ju lajmërojnë kur diçka ndalet. Online, për biznese kudo.

+355 68 401 3065

Karakteristikat

Hartim procesesh

Analizojmë rrjedhat dhe heqim hapat e panevojshëm.

Integrime API

Lidhje me ERP/CRM, email, fiskalizim, payment dhe data sync.

Automatizim pune

Job-e të planifikuara, webhook-e dhe njoftime për gabime.

Raporte & alarme

Logim i plotë, dashboards dhe alarme kur diçka ndalet.

Çfarë automatizojmë zakonisht

Rastet më të shpeshta te bizneset shqiptare: porosia ose rezervimi që vjen nga faqja, email-i ose një portal dhe duhet futur me dorë në program; fatura që duhet fiskalizuar dhe dërguar klientit; raporti i shitjeve që dikush e përgatit çdo mëngjes në Excel; stoku që duhet përditësuar në dyqanin online kur ndryshon në magazinë; kontakti i ri nga formulari që duhet të shkojë te personi i duhur me njoftim në WhatsApp ose email. Secili prej këtyre është një integrim ose një job i planifikuar që ndërtohet një herë dhe punon çdo ditë.

Integrime API: ERP, CRM, fiskalizim, pagesa

Lidhim sistemet që keni tashmë, në vend që t'i zëvendësojmë: programe kontabiliteti dhe ERP, CRM, platforma email marketing, ofrues fiskalizimi si Daisy, pagesa online dhe POS, sisteme rezervimesh dhe channel manager për hotele (përfshirë BESA OS, PMS-in tonë). Kur një sistem nuk ka API, punojmë me eksporte të planifikuara ose webhook-e. Çdo integrim dokumentohet që ekipi juaj — ose një zhvillues tjetër nesër — ta kuptojë pa ne.

Monitorim, log dhe alarme: automatizimi që nuk hesht

Një automatizim që dështon në heshtje është më keq se puna me dorë. Prandaj çdo job që ndërtojmë shkruan log të plotë, ka një dashboard të thjeshtë ku shihni çfarë u ekzekutua dhe kur, dhe dërgon alarm (email, WhatsApp ose Slack) në momentin që diçka ndalet ose kthen gabim. Në paketën e proceseve monitorimi është 24/7 dhe optimizimet e para pas go-live janë të përfshira.

Çmimi dhe si llogaritet kthimi

Një automatizim i shpejtë është një proces i vetëm me integrim të thjeshtë — për shembull, formulari i faqes që krijon kontaktin në CRM dhe njofton shitësin. Pakoja e proceseve mbulon 3–5 automatizime me monitorim dhe alarme. Para se të fillojmë, llogarisim bashkë orët që ekipi shpenzon sot për atë proces çdo javë; nëse automatizimi nuk i kthen paratë brenda pak muajsh, ua themi hapur dhe propozojmë diçka më të vogël.

Ku hyn inteligjenca artificiale

Për hapat që kërkojnë 'lexim' — klasifikimi i email-eve që vijnë, nxjerrja e të dhënave nga një faturë e skanuar, hartimi i një përgjigjeje të parë për një kërkesë — përdorim modele AI (Claude, OpenAI) brenda të njëjtit rrjedhë automatizimi, gjithmonë me një hap kontrolli nga njeriu aty ku vendimi ka pasoja. AI-ja nuk është qëllimi; është një mjet për hapat që një skript i zakonshëm nuk i bën dot.

Si punojmë: workshop, prototip, go-live — online

Fillojmë me një workshop të shkurtër ku ekipi juaj na tregon ditën e vet dhe ne shënojmë ku humbet koha. Zgjedhim bashkë 1–3 procese me kthimin më të shpejtë, ndërtojmë një prototip dhe e vërtetojmë me të dhënat tuaja reale përpara se të shkojmë live. E gjithë puna bëhet online, për biznese kudo në Shqipëri, Kosovë apo jashtë; ekipi është në Durrës që nga 2004.

Procesi

Workshop

Zbulojmë ku humbet kohë ekipi juaj.

Plan & prototip

Përpilojmë automatikët prioritarë dhe i vërtetojmë me ju.

Zhvillim

Ndërtojmë, testojmë dhe dokumentojmë integrimet.

Go-live & monitorim

Monitorim 24/7, alarme dhe optimizime të vazhdueshme.

Përfitimet

Më pak punë manuale dhe gabime

Proceset ecin edhe kur stafi është i zënë

Transparencë dhe gjurmim i çdo hapi

ROI i qartë nga orët e kursyera

Pyetje të Shpeshta

Gati të kurseni orë pune?

Na tregoni procesin që djeg më shumë kohë. Do të sugjerojmë automatizimin më të shpejtë me ROI të qartë.

Kërko konsultë